Fomentando a lectura
A biblioteca comezou a súa andaina desde a mesma fundación do Colexio. As actividades están encamiñadas a fomentar no alumnado o gusto e afección á lectura, o contacto cos distintos xéneros literarios, así como o coñecemento de escritores, clásicos e actuais, a través de lecturas, concursos, contacontos, actividades plásticas, exposicións, encontros co autor… na consecución dun dos grandes obxectivos do Centro: o amor polos libros e a lectura.
O colexio está integrado no Plan de mellora de bibliotecas escolares da Xunta de Galicia (PLAMBE), co obxectivo de ofrecer unha biblioteca escolar activa e renovada para que alumnado e profesorado poidan avanzar nos seus obxectivos e ampliar a calidade dos procesos de aprendizaxe ou de ensino nos que estamos inmersos. Proporcionando un apoio imprescindible no desenvolvemento doutros programas do centro que poidan contribuír ao incremento do éxito escolar e persoal.
Ao longo do ano xorden múltiples propostas e actividades que xeran novas dinámicas relacionadas co mundo dos libros e cos procesos de aprendizaxe.
Lecturas recomendadas
Apadriñamento lector polo Día de Rosalía
O pasado venres levamos a cabo no centro unha xornada de apadriñamento lector arredor da figura de Rosalía de Castro. O alumnado padriño compartiu cos seus afillados e afilladas diferentes poemas e fragmentos da autora, explicando tamén, dun xeito sinxelo, que foi e por que é tan importante para a nosa cultura.
Día Escolar da Non Violencia e da Paz
O pasado 30 de xaneiro conmemoramos este día construíndo convivencia, respecto e coidado mutuo a través do apadriñamento lector, onde o alumnado maior acompaña aos máis pequenos, creando vínculos baseados na axuda, na empatía e na aprendizaxe compartida. Ademais, ao longo desa semana inspirámonos na obra de Maruja Mallo «La Verbena» coa que a artista […]
Páxina web da rede de bibliotecas escolares de Galicia
https://www.edu.xunta.gal/biblioteca/blog