Visita ao parque de bombeiros de Teis de Cuarto de Ed. Primaria

<

Baile das cintas de 6º de Educación Primaria no día das Letras Galegas.

Vivencias en Groenlandia

O pasado 18 de decembro visitounos Carolina Rodríguez Domingo, espeleóloga e montañeira, de Club Montañeiros Deltas,  para estar cos alumnos de 5º e 6º de Primaria e contarlles a experiencia da súa estancia durante varios anos na enorme illa danesa do Atlántico Norte.

 

Dereitos Humanos na Escola

O día 18 de decembro visitou a Escola a avogada viguesa Mercedes Melón, que actualmente desenvolve o seu traballo a prol dos dereitos humanos en todo o mundo na Open Society Fundations desde Londres. Estivo cos alumnos de 2º ESO nunha charla-coloquio enriquecedora.

 

Unha experiencia en África

Pensamos que sería de moito valor formativo que os nosos alumnos coñeceran de primeira man as dramáticas  condicións de vida ás que están sometidas millóns de persoas no mundo. Para iso estiveron connosco Calima e Enrique, ámbolos dous colaboran con ONGs que actúan en África e contáronnos a situación  na que está gran parte da poboación africana.

Calima, profesora do colexio Andersen e como mestra que é, actuou máis no campo educativo e de construcción de escolas e Enrique, antiguo alumno desta escola e dentista na actualidade, falounos das condicións hixiénicas e sanitarias da poboación.

As súas impresionantes experiencias estiveron ilustradas por imaxes que eles mesmos tomaron e que nos amosaron unha sociedade sometida a unha condicións educativas e sanitarias totalmente impensables para nós.

Agradecemos a Calima e Enrique o tempo que nos adicaron e a gran xenerosidade que amosan coas sociedades menos favorecidas. Para eles e para os que como eles actúan neste eido, a nosa admiración.



 

4º ESO 2015/16: A Revolución Industrial

Xeografía e Historia 4º eso.

O tema da Revolución Industrial foi abordado dende a metodoloxía de proxectos (Por que nos desprazamos en coches e non en carros?) na que cada grupo desenvolve o proceso e presenta o resultado ó resto da clase. O vídeo que tedes a continuación é só o resultado final dun dos grupos, e nel preténdese plasmar os cambios que no sector téxtil se produciron nesta Revolución coa aparición das máquinas tecedoras. Ó voso xuízo queda o aconsellar ós compoñentes  do grupo seguir polo camiño da interpretación e realización ata chegar ós Óscar ou continuar por outro campo. No aspecto histórico por suposto foi un traballo moi meritorio.