1º ESO: Viaxamos pola Antiga Grecia

De pasos y entremés


Despois das actuacións do Obradoiro de teatro de 5º e 6º de E.P., este venres tócalle o turno da escea ao Obradoiro de teatro de 1º e 2º de E.S.O. que representarán a obra "De pasos y entremés". Trátase dunha obra por sketches ou pequenas pezas de teatro. O programa é o seguinte:

- Os cacos novatos: Cando dous ladróns achéganse a unha casa para roubar e non teñen nin idea.

- Las aceitunas: Un dos entremeses máis famoso e gracioso da Literatura clásica castellana.

- El Poeta y el eco: Unha das míticas obras de Les Luthiers, con dous actores perdidos nas montañas.

- La gallina dijo Eureka: Outro sketche do grupo cómico arxentino. Unha peza das clásicas, trátase dun dialogo entre un rapaciño e o seu pai. Pequeno homenaxe do Obradoiro de teatro ao humor (non sinxelo) de Les Luthiers

Ciencias Sociais: lecturas 2012-13

Libros de lecturas para 1º e 2º de ESO.

Un libro por trimestre, para mergullarnos na Historia.

 

Lei de Hooke: Elasticidade dun resorte

 

O alumnado de Física e Química de 4º E.S.O. desenvolveu unha experiencia de laboratorio para comprender o comportamento dun corpo elástico sometido a acción dunha forza.

 

 

Con este obxectivo investigaron o estiramento dun resorte sometido a diferentes pesos e logo calcularon a súa constante de elasticidade k, empregando a Lei de Hooke:

F= k · Δl

F= Peso (en Newtons) que colgamos do resorte)= Masa(kg) · gravidade(10N/kg).

k= Constante de elasticidade do resorte (Newtons/Metro).

Δl= Elongación do resorte (Metros)

 

Deste xeito, se coñecemos a k dun resorte poderíamos calcular a masa dun corpo pendurado nel (calculando m=P/g, sendo a  gravidade g=10N/kg).

Probade neste enlace a calcular a k dun resorte e, a partir dela, a masa dun corpo.

O hospital dos matasáns

 

 

 

 

Os alumnos do Obradoiro de teatro de 5º e 6º de E.P. ofrecerán tres actuacións da obra: "O hospital dos matasáns" co seguinte horario:

Mércores 6 xuño, ás 13h. actuación para Educación Infantil e 1º E.P.

                         ás 13h 45´ actuación para 2º, 3º, 4º, 5º e 6º E.P.

Xoves 7 de xuño, ás 14h. 45´actuación para os pais e público en xeral

 

Como funciona un espazo natural protexido?

 

 

Ó longo do mes de maio o alumnado de 5º de E.P. participou nun proxecto denominado "Mergullándonos nas Illas Atlánticas" organizado polo Parque Nacional das Illas Atlánticas de Galicia (Xunta de Galicia).

 

 

 O proxecto constaba dunha serie de etapas:

 

Os centros educativos que quixeran participar tiñan que solicitalo por escrito e presentar un traballo (un cómic sobre o espazo natural a visitar).  Loxicamente, a clase tivo que documentarse (folletos, libros, internet, vídeos,...) sobre as illas Cíes, Ons, Sálvora e Cortegada que forman o Parque Nacional.   Os centros eran seleccionados en función da calidade do traballo enviado.   O Colexio Andersen foi escollido grazas a un cómic no que un falcón pelegrín presentaba ós lectores a Illa de Ons.

 

 

 

 

En segundo lugar, un grupo de monitoras do parque visitaba o colexio e organizaba unha actividade na que, mediante diversos xogos, os rapaces descubrían o parque nacional, a súa flora e fauna, as medidas de proteción que se adoptan no espazo natural e o comportamento que debíamos manter durante a visita.

 

 

Chegou o momento máis desexado: a visita ás Illas Cíes. Tivemos sorte na segunda tentativa, pois na primeira data houbo mal tempo e os barcos non se facían á mar.  Desfrutamos dunha marabillosa xornada na que, mediante un entretido xogo por equipos, descubrimos os ecosistemas das illas: os fondos mariños, as praias e dunas, o mato e os acantilados.  Polo serán tivemos tempo de lecer entre os piñeiros e a praia... A auga estaba boísima!  De regreso no barco algúns incluso se animaron a botar uns bailes... Que ben o pasamos!

 

A derradeira etapa do proxecto foi deseñar e elaborar, entre todos, un folleto informativo das Illas Cíes, que participará no concurso "Mergullándonos nas Illas Atlánticas".  Velaí o tedes.

 

DESCARGAR FOLLETO CÍES COLEXIO ANDERSEN